అపోస్థులుడైన పేతురు        
 అపోస్తులుడైన పేతురు యేసు క్రీస్తుకు శిష్యుడు. చేపలు పట్టేవాడు. యేసు క్రీస్తుతో పాటు పరిచర్యలో పాల్గొన్నారు. చదువు సంధ్యలు లేని వాడు. యేసు ప్రభువు అత్యధిక ప్రాధాన్యత ఇచ్చిన శిష్యులలో ఏవరైనా ఉన్నారంటే అది పేతురు గారే. ఆయన రూపాంతరం చేందే సమయంలోను, నీటిపై నడిచే సమయంలోను, పేతురు అత్తకు జ్వరం వస్తే యేసు క్రీస్తు వారు స్వస్థపరచడం, గెత్సెమెనే తోటలో యేసూ క్రీస్తు ఏకాంతంగా ప్రార్థన చేసేటప్పుడు పేతురు, యాకోబు, యోహానులను వెంటబెట్టుకుని ప్రార్థన చేసినట్లు మనం బైబిల్ లో చూస్తాం. మూడు సార్లు నన్ను ఎరుగవని చెప్తావని పేతరు గూర్చి క్రీస్తు వారు ప్రవచనం చెప్పారు. అది నెరవేరడం మనం బైబిల్ లో గమనిస్తాం. ఇలా ప్రతీ సందర్భంలోను పేతురుకు యేసు క్రీస్తు వారు ప్రాధాన్యత ఇచ్చినట్లు మనం బైబిల్ లో చూడవచ్చు. యేసుక్రీస్తు వారు ఆరోహణ అనంతరం క్రైస్తవ సంఘ కాపరి బాద్యతలు పేతురు గార్కి అప్పగించారు.తన గొర్రెలను మేపుము, కాయుము అను ప్రభువు సంఘం యెక్క బాధ్యతలు పేతురుకు అప్పగించారు. పాతాళ ద్వారాలు ఈ సంఘం ఎదుట నిలువనేరవని క్రీస్తు వారు చెప్పారు. ఆ తర్వాత పెతురు క్రైస్తవ సంఘానికి పునాది వేశారు. ఎక్కువగా పెతురు గారు యూదయ దేశంలో యూదుల మధ్య క్రీస్తు సువార్తను ప్రకటించారు.

                      .................... పేతురుకు సంబంధించిన విశేషాలు..........


పేతురును యేసు ప్రభువు నీవు యోహాను కుమారుడవైన సీమోను నీవు కేఫా అనబడదువు అని చెప్పారు. కేఫా అనగా రాయి అని అర్థం ( యోహాను 1:42).

కపెర్నహోము గలలియలోని ప్రదేశం. కాన్ స్టాంటైన్ మరణంనకు ముందు క్రీ.శ 337లో ఒక శాసనం కనుగొనబడింది. దానిలో కఫల్ -నహూము నందు పేతురు నివసించిన గృహము ప్రాంతంలో ఒక దేవాలయం కట్టడానికి అనుమతి ఇచ్చారు.ఇది క్రీ.శ 352వ సంవత్సరం తర్వాత కట్టబడినట్లు చారిత్రాత్మక ఆధారాలున్నాయి. ఈ సమాచారం ఎఫిఫానిస్ తన గ్రంధములో రాశారు. అనాటి కట్టడాలలో ఈ దేవాలయం బహు సుందరమైనది. యేసు ప్రభువు మొదటి నుండి కపెర్నహోముకు వెళ్లినప్పుడల్లా సీమోను, ఆంద్రేయ ఇంటికి వెళ్లేవారని తెలుస్తోంది. అక్కడే బస చేసినట్లు ( మార్కు 1:35) తెలుస్తోంది .  అక్కడే అనేక మంది రోగులులను స్వస్థపరిచినట్లు అర్థమవుతోంది. క్రైస్తవ చరిత్రలో పేతురు స్థానం అద్వితీయమైనది. యూదుల మధ్య పేతురు క్రైస్తవ పునాది వేయగా..  అన్యజనుల మధ్య అపోస్థులడైన పౌలు పునాది వేశారు. అపోస్తలుల కార్యములో   పేతురుకు అద్వితీయమైన స్థానం ఇవ్వబడింది. మొదటి భాగమంతా పేతురు గూర్చి..రెండవ భాగంలో పౌలు గూర్చి రాశారు. ఇస్కరియోతు స్థానంలో మరో శిష్యుడ్ని ఎంపిక చేయడంలోను పేతురు ముందు ఉన్నారు. క్రీస్తు అనుగ్రహించిన స్వస్థతా వరంతో శృంగారమనబడిన దేవాలయం వద్ద కుంటివాన్ని బాగు చేసినట్లు అపోస్తులల కార్యకములలో చూడగలం. అననీయ,సప్పీర వంటి వారి విషయంలో కఠినంగా వ్యవహరించి ఆ నాటి సంఘంలో క్రమశిక్షణా చర్యలు తీసుకున్నట్లు తెలుస్తోంది. సీమోను అనే మాంత్రికుడ్ని గద్దించారు. పేతురు నీడ సైతం స్వస్థత కలుగజేసిందంటే ఆయనలో దేవుని ప్రభావం ఎలా ఉందో అర్థం చేసుకోగలం. లుద్దలో, యొప్పేలో, జార్జియాలో పేతురు సువార్త ప్రకటించారు. అన్యుడైన కొర్నెలికి.. ఆయన కుటుంబానికి బాప్తీస్మం ఇచ్చారు. తొలుత అన్యజనులకు సువార్త ప్రకటించే విషయంలో పౌలుకు, పేతురుకు మధ్య  కొంత విబేధాలు వచ్చినా...పరిశుద్ధాత్ముడు వారిని సరి చేశారు. చివరలో పౌలు, పేతురు ఇరువురు కొరింథు సంఘంలో ఒకరి కొకరు సేవ చేసినట్లు తెలుస్తోంది.
                                                    పేతురు సేవ.
 చరిత్రకారుడైన యోసుబియస్, ఇగ్నేసియస్ల ద్వారా అంతియోకయలో పేతురు సేవ చేసినట్లు చరిత్ర చెబుతోంది. యోసుబియస్ చెప్పినట్లు పేతురు వ్రాసిన మొదటి పత్రిక పొంతు, దాని పరిసర ప్రాంతాలు అయిన బితూనియ, కప్పదొకియ, గలతీయలో వారి పరిచర్య సాగినట్లు తెలుస్తోంది.
                                                       తొలి బిషప్పు
 పేతురు క్రీ.శ  30 నుంచి 40 వరకు అంతియోక దేవాలయమునకు మొదటి బిషప్పుగా వ్యవహరించినట్లు చరిత్ర చెబుతోంది. పేతురు సువార్త నిమిత్తం తూర్పు ప్రాంతానికి వెళ్లిన సమయంలో ఇయోడియస్ కు సేవా బాధ్యతలు అప్పగించారని చరిత్రకారుల ద్వారా వెల్లడవుతోంది. క్రీ.శ 44 వరకు పేతురు రోమాలో పరిచర్య చేయలేదని యోసుబియస్  ఆధారంగా తెలుస్తోంది. పేతురు రోమీయులకు  రాసిన పత్రిక బబులోను నుండి వెలువడిందని సమాచారం. అయితే పౌలు రోమా పత్రిక రాశాక పేతురు అక్కడికి వెళ్లినట్లు చారిత్రాత్మక ఆధారాలున్నాయి. పౌలు గారు ఎఫెసీయులకు రాసిన తొలి పత్రికలోనే పేతురు గారి ప్రస్తావన కనబడుతుంది. పేతురు అక్కడ కొంత కాలం సువార్త ప్రకటించారు. ఆ సమయంలో పేతురు తన భార్యను వెంటబెట్టుకుని వెళ్లినట్లు తెలుస్తోంది. యోరుషలేములో పేతురు పరిచర్య చేసే సమయంలో రెండు సార్లు జెలు శిక్షను అనుభవించారు. ఆ తర్వాత లోకమంతా  తిరిగి పరిచర్య చేయాలని నిర్ణయించుకున్నట్లు అర్థమవుతోంది.
                                                        పేతురు పరిచర్య
 పేతురు తన పరిచర్య కాలంలో బ్రిటన్, గాలు ప్రాంతాల్లో ఉన్నట్లు అనే  రుజువులున్నాయి. రోమాలో నీరో సర్కసు అను ప్రాంతంలో అరెస్టు చేసి ఆయన్ను సిలువు వేయకమునుపే బ్రిటన్ యాత్రను ముగించినట్లు ఆధారాలున్నాయి.
                                                         రోమ్ లో..... పేతురు
 పేతురు రోమాలో మరణించారు. ఎడార్ఫ్ హార్నిస్ కథనం ప్రకారం పేతురు రోమాలో లేడు అనుట సరి కాదు. హెచ్.లేజ్ మన్ క్రీ.శ 170 సంవత్సరంలో అక్కడ కనిపించిన రెండు  జంట సమాధులు ఇద్దరు అపోస్తులవి అని ..పేతురు, పౌలు సమాధులేనని ధృవీకరించారు. వారు ఇద్దరు హతసాక్షులయ్యారు. యోహాను సువార్త ముగింపులోను పేతురు మరణ వార్త రూఢీ అవుతోంది. జోవేల్ లును ప్రకారం మామెర్ టైన్ అను ప్రాంతంలో దుర్గంథముతో కూడిన జైలులో పేతురును బంధించారు.ఆ జైలులో ఆయన్ను ఓ స్తంభానికి కట్టివేసి వెలుతురు లేకుండా తొమ్మిది నెలలు బంధించారు. రోమా చరిత్రలో 3వేల సంవత్సరాల పూర్వం ఇలాంటి కఠినమైన శిక్షను అమలు చేసినట్లు రుజువులున్నాయి. ఈ శిక్షను తర్వాత పేతురు గారికి అమలు చేశారు. ఇదే శిక్షను ఆతర్వాత భక్తిపురలైన అనేక మంది క్రైస్తవులకు అమలు పర్చారు.ఆ జైలులో చీకటి గదిని, గొలుసులతో  చూరునకు కట్టిన ఆ స్తంభమును నేటికీ చూడవచ్చు.
                                       మెమోరిటైమ్..లో...టులియన్ చెరసాల ... శిక్ష భయంకరం
 ప్రాచీన భాషలో  దీన్ని జెమోనియమ్ లేక టుర్లియన్ కీప్ అనే వారు. తరువాత ఇది మెమోరిటైమ్ గా పిలిచారు. ఈ జైలు భూమిపైన తొలచబడిన ఒక మార్గము కలిగి... ఒకే రాయి నుండి రెండు భాగాలుగా భూమిలోకి  మలచబడింది. పై మార్గం తప్ప లోనికి ప్రవేశించుటకు మరే మార్గం ఉండదు. దీని క్రింది అరలో మరణ శిక్షను ఎదుర్కొనే వారిని పడవేస్తారు. దీంట్లోకి వెలుతురు రాదు. ఎవరూ శుభ్రం చేసే వారు ఉండరు. దీని వల్ల ఆ ప్రాంతం అంతా ధుర్గంధమయంగా ఉంటుంది. విషవాయువులు జనిస్తాయి. ఇది చాలా భయంకరమైన మురికి కూపం. ఆ శిక్ష భయంకరం . క్రీ.శ 50లో సాట్లుస్ఈ విధంగా వివరించారు. దీన్ని టులియన్ చెరసాల అని కూడా అంటారు. ఈ జైలు పైకప్పు ఒక రాతితో మలచబడింది. ఆ ద్వారం నుండి 101 అడుగుల లోపలి వరకు ఒక స్తంభంనకు కట్టిన.... స్తంభంగా లోపలి వరకు వెళుతుంది. దీన్ని నిలబెట్టుటకు స్థలం ఉంది. దాని క్రింద అర చనిపోయే వారి కోసం ఏర్పాటు చేసింది. ఆ భాగం అంతా చీకటి మయం, ధుర్గంధభరితం. 100 సంవత్సరాల తర్వాత పేతురును ఇందులో బందీ చేశారు.
                                               చరిత్రలో....
 జూలియస్ సీజర్ కాలంలో జుగుర్ త అనే ఓ ప్రముఖుడ్ని కొన్ని రోజులు అన్నపానాలు లేక పాతర వేసినంత లోతుకు దించి దిశమొలతో బందీగా ఉంచారు. అతడు కొద్ది కాలంలోనే ఆ భయంకరమైన బాధ తట్టుకోలేక మానసిక రోగిగామారాడు. ఇటువంటి భయంకరమైన జైలులో అనేక మంది క్రైస్తవులను రోమీయులు చంపారు.ఇలాంటి జైలులో 9 నెలలు పేతురు ఉంచబడ్డారు. అయినా ఆత్మబలముతో ఆయన బ్రతకడం ఓ అద్భుతమే. ఆయన్ను అలసట తీర్చుకోలేని విధంగా ఒక స్తంభంనకు గోలుసులతో బంధించి నిట్టనిలువుగా కట్టి రాతి తొలిచిన మార్గం ద్వారా గుహాలో దించారు. ఆయినా పేతురు మొక్కవోని ధైర్యంతో క్రీస్తు ప్రేమతో తట్టుకున్నారు. జైలు నందలి 47 మంది పేతురును చూసి క్రైస్తవులుగా మారారు. రాయి అనే పేతురును రోమనులు షీయాండిస్ అనే పద్ధతిలో తలక్రిందులుగా సిలువ వేసి చంపారు. క్రీ.శ 67లో నీరు చక్రవర్తి  పేతురను సిలువవేయాలని ఆదేశించారు. నేను యేసు ప్రభువంతటి వాడను కానని పేతురు చెప్పి తన్ను తలక్రిందులుగా వేయమని కోరారు. రోమా అదికారులు ఆయన ప్రార్థన విని అందుకు సమ్మతించారు.
                                                 చివరిగా.........
ప్రియ సహోదరుడా...పేతురును యేసయ్య పిలిచినప్పుడు తనకు జీవనాధారం అయిన చేపలు పట్టేవ వృత్తిని.  కష్టపడిన సొమ్ముతో కొనుక్కున్న వలలను విడిచి పెట్టి ఆయన్ను వెంబడించారు. ఆలా మొదలయిన ఆయన ప్రయాణంలో చివరకు తన ప్రాణాన్ని భరింపజాలని శిక్ష ద్వారా క్రీస్తుకు సమర్పించుకున్నారు. మరి నీ పరిస్థితి ఏంటి. ఆది అపోస్తులుల కాలంలో ప్రాణాలను క్రీస్తు కోసం ధారపోశారు.  మరి నీవేమి క్రీస్తు కోసం సమర్పిస్తున్నావు. నీ జీవితాన్ని ఎందుకు ఆయన కోసం వెచ్చించడం లేదు. నక్కలకు బొరియలున్నాయి... ఆకాశ పక్షులకు గూళ్లున్నాయి....మనష్యు కుమారుడికి తలవాల్చేందుకు స్థలం లేదని యేసయ్య రోదిస్తున్నారు. నా ప్రియుడా... నీవు యేసయ్యను నీ హృదంయంలోకి ఆహ్వానిస్తావా.... ఆయన నీ హృదంయ వద్ద నిలబడి ఉన్నారు. నీవు తలుపు తీస్తే నీ తో కలిసి భోజనం చేయాలని ఆశపడుతున్నారు.  పేతురు సమర్పించుకున్నట్లు నీవు నీ జీవితాన్ని అర్పిస్తే... పేతురులాగా నీ ప్రాణాలు ఇచ్చే పరిస్థితి రాదు కాని..నీ జీవితం మారుతుంది. అదే మరణం నుంచి ఆయన నిన్ను తప్పిస్తారు. ఇంకా ఎందుకు ఆలస్యం. నీ హృదయాన్ని ఆయనకు అప్పగించు. నీ పాపాల నిమిత్తం క్రీస్తు సిలువ  వద్ద రోదించు. పశ్చాతాపం చెందు.ఇప్పుడే ఆయన నీ హృదయంలోకి రావడానికి సిద్ధంగా ఉన్నారు.
 దేవుడు దీవించుచు గాక.............
ఆమెన్...............................